تورتة كاكاو

سلاااام يا حلوين
جبت لكم تورته كاكاو من صنع يدي ان شاء الله تعجبكم
وهذي المقادير :

اولا مقادير الكيكه الاسفنجيه:
كوب دقيق , كوب سكر , ( 5 - 6) بيضات , ملعقه كبيره بايكنج باورد " اللي هي خميرة الكيك"
رشه ملح , ملعقه كبيره عصير ليمون , بشر قشر ليمون او فانيليا

ثانيا مقادير الحشوه:
قشطه " اللي يسمونها قيمر في الكويت"
نوتيلا " حسب الرغبه تبغينه كثير او شوي "
ظرف كريم كراميل

ثالثا مقادير الكاكاو عشان تغطية التورته:
4 اكواب سكر مطحون " يفضل لو طحنتيه بيدك ونخلتيه عشان تتأكدي انه ناعم "
4 ملاعق بودرة كاكاو داكن
نصف زبده سايحه
وفانيليا " عشان اللي ما يحبون ريحة الزبده << زي اللي عندي في البيت"

وهذي الطريقه للكيكه:

طبعا تاخذي البيض وتخفقيه مع السكر حتى يذوب وبعدين تضيفي عصير الليمون والبشر او الفانيليا
بعدين تنخلي الدقيق ورشه الملح " بس عشان تبرز طعم الحلاوه" وبعدين تضيفيه لخليط البيض
وتصبيه في قالب مدهون ومرشوش بالدقيق او بقالب مبطن بورق الزبده المدهون بالزبده
يخبز في فرن حار مدة عشر دقايق وبعدين تهدي النار وتوطيها وتتركيه حتى يتحمر وينضج
يقلب على منخل سلك ويترك عشان يبرد

وهذي طريقة الحشو :
تخلطي المقادير بالخلاط وبعدين تقسمي الكيكه لنصفين وتحشيها بالحشوه

وهذي طريقة التغطيه:
تخلطي السكر المطحون مع بودره الكاكاو والفانيليا وبعدين تعجنيها بالزبده
وتبدأي تدهني الكيكه وطبعا يمكن انو تواجهي مشكله في لدهن انا عندي الحل
انك تجيبي ملعقه وتبلليها بالماء وتقدري تروحي في العجينه يمين ويسار لانه السكر يذوب ويتحرك معك
وتقدري تدهنيها وتغطيها كلها وبعدين تجيبي اقماع الكيك وتكتبي عليها وتزينيها بالاشكال اللي تحبي

خلصت التورته وبالعافيه عليكم صحه وهنا