المكونات
- قطعتين او ثلاثة صغير (5×5سم تقريبا) لحم سمك بالعظم او من غير ، انا استعملت الهامور ، ومقطعة قطع صغيرة.
- كابوريا صغيرة ، نفتح ونشيل الغطاء ونقسم الجسم نصين ، نشيل الخياشيم بتاعتها ، ونحتفظ بالقراصات كمان علشان ح نستعملها .
- جمبرى مقشر
- سيبيا "سبيط" مقطعة مربعات
بكلويز لو موجود ، وطبعا يكون منقوع قبلها ف الماء بفترة كافية علشان مايكونش فيه رمل .
- معلقتين اكل بصل مفري
- مقدار كبشة يد كرفس اخضر مقطع صغير ( الكرفس ده طويل وعريض زي الكرات او البصل الاخضر تقريبا )
- ملح ، شطة، ذرة كمون ، معلقتين زيت .
على فكرة مش شرط تحط كل المكونات دي بس الاساسية الكابوريا والجمبري هي اللى بتديها الطعم الخطير .
كمان الكميات دي مش اساسية بس الافضل انك لو حتحط كل الحاجات دي تحط من كل حاجة كمية قليلة وح تجمل معاك ف الاخر بكمية مش بطالة
الطريقة سهلة جدا جدا جدا
نحمر البصل ف الزيت ونحط عليه نص مقدار الكرفس
ويدوبك يبدل بسيط وقبل ما يصفر نحط السيبيا وعليها الماء والملح والكمون والشطة اذا حبيت تحطذها ن ونخليها تغلي شوية قبل مانضيف بقيت المكونات علشان هي بتاخد وقت ف السوا اكتر من باقي المكونات.
بعد 10 دقايق تقريبا حط بقيت المكونات وزود الماي لغاية ما يغطيها وشوية كده وطبعا كل ما الماء كميته تقل الشوربة تكون مركزة اكتر .
وسيبيهم يغلوا لغاية مايستووا ومش ح ياخدو وقت خالص يعنى ف خلال نص ساعة تقريبا حلاقي عندك شوربة سهلة ومفيدة ومشبعة كمان . وتقعدي تقزقزي بقأة براحتك
ملاحظة هامة جدا جدا
اي مأكولات بحرية تحبي تطبيخيها لازم تكون مكشوفه علشان ريحة الزفارة تروح منها . يعنى الشوربة دب يا اما تسيبيها مكشوفة او تغطيها
بغطاء موارب .
جربوها وقولولي رايكم بصراحة
السبت 15 مايو 2010, 8:08 pm من طرف pepsi
موضوع: ممكن حد يقول علي طرق عمل شوربة البحر .......؟ 
